Os gravados rupestres deste concello distribúense perifericamente nas elevacións que rodean o val regado polo río Alvedosa, curso de auga que atravesa as terras que o configuran. O igual que sucede no resto de Galicia o repertorio iconográfico é maioritariamente de carácter xeométrico e decir, a base de puntos, liñas e unha abundante representación de motivos curvilíneos, círculos e espiraliformes. Sobresaen tamén as representacións de armas e as escenas con cuadrúpedes.
 Distribuénse polo norte nas estribacións do "monte da Peneda" nos límites co Concello de Soutomaior, na sua ladeira occidental , onde se atopan varios grupos de combinacións circulares, algún deles xa desaparecido. Tamén atopamos circulares non lonxe desta localización no camiño que une O Viso con Nogueira. No noroeste destaca o conxunto da Pedreira, un dos mais interesantes do val, na parroquia de Ventosela, con abundancia de combinacións circulares, onde sobresae un panel con representacións de cuadrúpedes, algúns deles montados, escena dominada por unha gran figura de équido cabalgado por un personaxe.
Para saber mais dos Petroglifos de Redondela COSTAS GOBERNA, Fernando .Javier. |
Pero sen dúbida os petroglifos máis coñecidos son os do monte "Penide" no sudoeste do municipio, preto dos lindeiros co Concello de Vigo. 
Na zona Nor-occidental desta estación, preto do campo de fútbol, atópanse tamén algunhas rochas con círculos e cazolas dispersos."Poza da Lagoa" na parroquia de Trasmañó, presenta un interesante conxunto no que destacan as representacións de armas, as primeriras que se coñeceron no sur da ría de Vigo. Tamén están presentes neste grupo as coviñas e algúns círculos, xunto a gravados de carácter histórico. Non lonxe desta estación no poñente temos a da "Chan do Rato" con óvalos, coviñas e liñas, temática que repite a de "Castellanos", todas elas na parroquia de Trasmañó. Finalmente por baixo da "Poza da Lagoa", atópanse algúns círculos, coviñas e liñas sinuosas, no lugar da "Fonteliña". As representacións de armas que podemos comparar coas suas réplicas metálicas, así como os achádegos de restos cerámicos no entorno das rochas con gravados de "Poza da Lagoa" e "Fonteliña" onde sobresaen os anacos de vasos campaniformes , apuntan a que estas manifestacións plásticas froito do universo de creencias dos seus gravadores, configuran unha das mais interesantes agrupacións de gravados rupestres ou petroglifos realizados en épocas prehistóricas na área galaica, nos primeiros tempos do desenrolo da metalurxia na nosa rexión, na transición do III o II milenio antes de Cristo.
|