Estas publicacións defendían intereses moi concretos dos grupos máis influentes ou máis politizados do distrito de Redondela, nas que escribían os sectores dominantes na política local. Nos contidos dos distintos periódicos que conviviron nun mesmo espacio de tempo reflectíanse os enfrontamentos entre os distintos grupos, que utilizaban as respectivas páxinas como arma dialéctica contra os seus rivais ideolóxicos. Pero tamén se recollen neles as anécdotas, as pequenas historias, non menos importantes, da vida local. E de aí outro dos seus valores.

Houbo etapas nas que en Redondela se publicaban tres periódicos. Foi o caso, por exemplo, do ano 1895 no que saían a rúa "La Propaganda", "El Pueblo" y "La Verdad", unha circunstancia que chama a atención se pensamos que a finais do séculoXIX o índice de analfabetismo en Galicia rondaba o setenta por cento. Esta contradicción só pode explicarse se pensamos no alto grao de politización da vida local, nas loitas municipais e na polarización das familias que se combatían radicalmente.

A historia da prensa en Redondela aínda está por facer. É un traballo que non pode esperar moito máis tempo porque cómpre entender o pasado máis recente do noso concello. Como di María del Carmen Pérez Pais "facer a historia da prensa galega supón reconstruír a vida dos periódicos, coñecer a personalidade dos fundadores e dos grupos que os sosteñen economicamente, descubrir a identidade dos xornalistas e colaboradores, medir a súa influencia na sociedade galega...., en definitiva, elaborar unha parcela da Historia de Galiza".

Este modesto traballo non é máis que o resultado de pracenteiras horas de investigación. Un punto de partida para abordar o seu estudio e análise en profundidade, pero tamén a para iniciar a recuperación dos exemplares, anque que só sexa en fotocopias ou microfilmados, que aínda se conservan en bibliotecas, museos ou coleccións particulares. Desgraciadamente, de moitos destes periódicos non se conservan ningún exemplar e só se teñen referencias indirectas da súa existencia. Pero a pesar de todo contamos con material abundante que xustifica que Redondela poida dispoñer dunha hemeroteca, na que os estudiosos poidan realizar as súas investigacíons sobre a nosa historia utilizando esta fonte tan valiosa.

1884- EL ALVEDOSA
Aparece o 15 de xuño. Redactabanno Juan José Crespo, Antonio Orellana, Fernando Alfaya Pérez, Ramón Lorenzo. Este periódico aparece incorrectamente datado no ano 1864 na "Geografia de Galicia" de Alvarez Limeses.

1887- LA ESCOBA
Dirixido polo avogado Antonio Orellana

1892- LA VOZ DEL PUEBLO
Bisemanario dirixido por Buenhijo Pérez Sobrino, que tamén era propietario da imprenta na que se editaba, a primeira que houbo en Redondela. Deducimós entón que os periódicos anteriores se imprimían en Pontevedra ou Vigo.

1894- LA PROPAGANDA
Editouse nos anos 1894-95 e 96. O seu director era Fernando González e os redactores Antonio Orellana, Pedro Fontela, Felipe Cordero e Buenhijo Pérez Sobrino.

1898- EL PROGRESO
Aparece no mes de febreiro

¿1915?- PIMIENTA Y MOSTAZA
Dirixido por Fernando González

¿1917?- ECOS DEL DISTRITO
Foi o sucesor de "Pimienta y Mostaza", co mesmo director

1918- LA RAZÓN